آبی سفر جرمن نظم

 آبی سفر


(جرمن شاعر ہائنرش ہائنے کی ایک نظم)


میں جہاز کے مستول سے ٹیک لگائے کھڑا

پانی میں ہر لہر گنتا جا رہا تھا

“الوداع! میرے پیارے وطن،

میرے بادبانی جہاز کی رفتار تیز ہو چکی”

میں اپنے محبوب کے گھر کے سامنے سے گذرا

کھڑکیوں کے شیشے دھوپ میں چمک رہے تھے

میں آنکھیں پھاڑ پھاڑ کر دیکھتا رہا

میرے لیے کوئی الوداعی ہاتھ ہوا میں نہ اٹھا

آنسوؤ! میری آنکھوں سے دور ہی رہو

میں کچھ بھی دھندلایا ہوا دیکھنا نہیں چاہتا

اے دلِ ناتواں! اس درد کی شدت سے

تم کہیں ٹوٹ نہ جانا


(جرمن سے اردو ترجمہ: مقبول ملک)


Comments

Post a Comment

Popular posts from this blog

تُرکی افسانہ: تپتی دھوپ

 عالمی ادب کے اردو تراجم (انتخاب افسانہ) افسانہ:  تپتی دھوپ تحریر: یشار کمال (تُرکی) مترجم: کرنل (ر) مسعود اختر شیخ  (اسلام آباد ، پاکستان) بچہ: "اماں۔ ۔ اماں ! کل صبح سے پہلے مجھے  جگا دینا۔" "تم پھر نہیں جاگو گے۔" "ناجاگوں تو میرے جسم میں سوئی چبھونا، میرے بال کھینچنا، میری پٹائی کرنا۔" پیلے چہرے والی پتلی دبلی عورت کی سیاہ آنکھوں میں خوشی سےبھرپور چمک دوڑ گئی۔  "اور اگر تم پھر بھی نہیں جاگے تو؟" "مجھے مار ڈالنا۔" عورت نے اپنی پوری قوت سے بیٹے کو  گود میں لے کر سینے سے دباتے ہوئے کہا: "میری جان!" "اگر میں پھر بھی نہ جاگا تو۔۔۔۔۔" یہ کہہ کر بچہ سوچ میں ڈوب گیا۔ پھر اچانک بول اُٹھا؛ "تو پھر میرے منہ میں مرچیں ڈال دینا۔" ماں نے ایک بار پھر اسی مادری شفقت کے ساتھ بچے کو چھاتی سے لگا کربوسہ دیا۔ ماں کی آنکھیں بھیگ رہی تھیں۔  بچے نے رُکے بغیر پھر کہا، "دیکھو اماں۔۔ اگر میں نہ جاگا تو میرے منہ میں مرچیں ڈال دینا۔۔ ٹھیک ہے ناں؟" ماں نے پھر کہا ۔ "میری جان!" "مرچیں خوب کڑوی ہونی چاہیں۔...
Read more

شام کے دھندلکے میں ایک ناری نظم

 شاعر:ڈی ایچ لارنس (برطانیہ) مترجم : رومانیہ نور (ملتان) * شام کے دھندلکے میں ایک ناری  کوملتا سے میرے لئے نغمہ سرا ہے یہ لمحہ مجھے  برسوں پہلے کے منظروں میں لے جا رہا ہے یہاں تک کہ میں دیکھتا ہوں جھنجھناتے تاروں کے بلند آہنگ میں پیانو تلے بیٹھا ایک بچہ ماں کے چھوٹے چھوٹے متوازن پاؤں دابتا ہے۔ ماں گاتی ہے اور اسے دیکھ کر مسکراتی ہے۔ مدہوش کُن گیت با دلِ نخواستہ مجھے  ماضی کے فریب میں لئے جاتا ہے میرا دل اتوار کی شاموں کو یاد کر کے آنسو بہاتاہے  جب باہر پڑتی سردی میں گرم نشست گاہ میں  پیانو کے سروں کے سنگ مناجات گونجتی تھیں اب سیاہ پیانو کی پر جوش دھن کے ساتھ  مغنیہ کا راگ الاپنا محض شورِ بے کار ہے بچپن کے دنوں کا نشہ مجھ پر چھایا ہے  میری جوانی افسردگی اور یادوں کے سیلاب میں بہی جاتی ہے میں یادِ ماضی میں اک بچے کی طرح روتا ہوں
Read more

چیخوف افسانہ

 عالمی ادب کے اردو تراجم (انتخاب افسانہ) افسانہ : اِضطراب  ( تسکا ؛ Tocka) تحریر : انتن چیخوف ( Anton Chekhov ) اردو قالب : قیصر نذیر خاورؔ شام کا دھندلکا ہے ۔ نم آلود برف کے بڑے بڑے گالے سڑکوں پر لگی بتیوں ، جنہیں اسی وقت جلایا گیا تھا ، کے گرداگرد سست روی سے چکر کاٹتے ہوئے نیچے گر رہے ہیں ۔ یہ چھتوں پرباریک اور نرم تہہ بچھانے کے ساتھ ساتھ گھوڑوں کی کمروں اور کندھوں کے علاوہ ٹوپیوں پر بھی پڑ رہی ہے ۔ گاڑی بان ’ ایونا پتاپوف ‘ برف سے سفید بھوت سا لگ رہا ہے ۔ وہ بکسے پر بِنا ہِلے جلے اتنا جھک کر بیٹھا ہوا ہے ، جتنا ایک انسانی جسم جھک سکتا ہے ۔ ایسا لگتا ہے کہ اگر عام طور پر پڑنے والی برف بھی پڑ رہی ہوتی تو بھی اس نے اسے جھٹکنا ضروری نہ سمجھا ہوتا ۔ ۔ ۔ اس کی پستہ قد گھوڑی بھی سفید ہے اور اسی کی مانند بے حس و حرکت کھڑی ہے ۔ اس کا ساکت ہونا ، اس کے جسم کی گولائیاں اور اس کی لکڑی کی مانند سیدھی ٹانگیں اسے یوں دِکھا رہی ہیں جیسے وہ آدھے کوپک میں ملنے والی گھوڑے کی شکل والی اَدرکی روٹی ہو ۔ وہ شاید اپنے خیالوں میں گم ہے ۔ کوئی بھی بندہ جس سے اس کا ہل چھین لیا گیا ہو اوراسے اپنے مانو...
Read more